ەل ساياساتىنىڭ ءبىر ۇستانىمى – جاسىل ەكونوميكا ەكەنى بەلگىلى. بۇگىندە بۇل باعىتتا قولعا الىنىپ جاتقان اۋقىمدى باستامالار از ەمەس. ارينە اتالعان مەملەكەتتىك ساياساتتىڭ استارىندا بالامالى ەلەكتر كوزدەرىن شىعارۋ ارقىلى، جارىققا تاۋەلدىلىكتى جويۋ جاتقانى بەلگىلى. سوندىقتان جامبىل ءوڭىرى دە بۇعان جەڭ تۇرە جۇمىلدىرىلعان دەپ جازادى Qamshy.kz اقپارات اگەنتتىگى. بۇگىنگى كۇنى وبلىسىمىزدا «جاسىل ەكونوميكانى» دامىتۋ جۇمىستارى كەزەڭ-كەزەڭىمەن جۇزەگە اسىرىلۋدا. ءبىرىنشىسى ەنەرگيانى ۇنەمدەۋ جانە ەنەرگيا تيىمدىلىگىن جوعارىلاتۋ. ەكىنشىسى ەلەكتروەنەرگەتيكا سالاسىن دامىتۋ. ءۇشىنشىسى اۋا لاستانۋىن ازايتۋ. ءتورتىنشىسى سۋ رەسۋرستارىن ءتيىمدى پايدالانۋ. بەسىنشىسى اۋىل شارۋاشىلىعىن جاڭعىرتۋ. التىنشىسى قالدىقتاردى باسقارۋ جانە جەتىنشىسى ەكوجۇيەلەردىتيىمدى باسقارۋ.

ەنەرگيا ۇنەمدەۋ جانە ەنەرگيا تيىمدىلىگىن جوعارىلاتۋ باعىتىندا

وڭىرلەردى دامىتۋدىڭ 2020 جىلعا دەيىنگى باعدارلاماسى بويىنشا 2011-2017 جىلدارى جالپى 4،5 ميلليارد تەڭگەگە 280 كوپپاتەرلى تۇرعىن ءۇي جوندەلگەن.

رب بولىنگەن (2011-2015 جج.) 2،4 ميلليارد تەڭگەگە 172 ءۇي جاڭعىرتىلعان.

قايتارىمدى قاراجات ەسەبىنەن (2013-2018 جج.) 1،7 ميلليارد تەڭگەگە 93 ءۇي جوندەلىپ، ساپالى جۇمىستار اتقارىلدى.

جەرگىلىكتى بيۋدجەت ەسەبىنەن (2018 ج.) 320،0 ميلليون تەڭگەگە 15 ءۇي جوندەلدى. 2018 جىلى قايتارىم قاراجات جانە جەرگىلىكتى بيۋدجەت ەسەبىنەن بارلىعى 39 ءۇي جوندەۋدەن ءوتىپ، جوندەۋدى قاجەت ەتەتىن ۇيلەردىڭ ۇلەسى 23 پايىزدان 20،5 پايىزعا تومەندەدى.

كۇردەلى جوندەۋ جۇمىستارى بارىسىندا ءۇيدىڭ شاتىرىن، كىرەبەرىسىن، جەرتولەسىن، قابىرعاسىن جىلىتۋ جانە وقشاۋلاۋدا تەرموجاڭعىرتۋ ەلەمەنتتەرى قولدانىلدى.

وبلىس بويىنشا كوشە جارىعىنىڭ (جالپى ۇزىندىعى 1123 شاقىرىم نەمەسە 32 500 دانا شامداردى قۇرايدى، ونىڭ ىشىندە 212 شاقىرىم نەمەسە 7 825 داناسى) 24،1 پايىز ەنەرگيا ۇنەمدەۋ شامدارىنا اۋىستىرىلعان.

مىنە، وسىلايشا جۇيەلى جۇمىس ءوز جەمىسىن بەرۋدە. ارينە وڭىرلەردىڭ دامىتۋ مەملەكەتتىك باعدارلاماسى اياسىندا كوپقاباتتى ۇيلەر جوندەلىپ، تۇرعىنداردىڭ قۋانىشىن ەسەلەپ جاتقانى قۋانتارلىق نارسە. سوندىقتان باياندى باستامانىڭ بولاشاعى انىق بولعاي دەپ تىلەيمىز. جانە وبلىس ورتالىعىنداعى بۇل باعىتتاعى جۇمىستار تەك جۇرتشىلىقتىڭ ىرىزدىعىنا اينالىپ، جاقسىلىعىنا جۇمسالسىن. سوندا عانا كەلەشەگىمىزدىڭ كەمەلى بولماق.